നമ്മുടെ പിള്ളാര് കേരളത്തിൽ നിന്നും ഡൽഹിക്ക് വരുന്നുണ്ട്, അവരെ കാണാനാണ് ഈ വരവ്.
കഴിഞ്ഞ ആഴ്ച്ച UN ഓഫീസിൽ മീറ്റിംഗിന് ഇരുന്നപ്പോൾ IVD 2019 ന്റെ അജണ്ട കണ്ടു. ഒരേ സമയം നാല് സെഷൻസ്, എല്ലാം വളരെ ഇൻഡ്രസ്റ്റിംഗ്. എന്തു ചെയ്യുമെന്നാലോജിച്ചപ്പോളാണ് നമ്മുടെ പിള്ളേരെ കൂടെ കൊണ്ട് വന്നാലോ എന്ന് ആലോചിച്ചത്.
ഋഷി സാറിനെ കണ്ടു കാര്യം പറഞ്ഞു. രജിസ്ട്രേഷൻ ക്ലോസ് ചെയ്തിട്ട് ദിവസങ്ങളായി. പുള്ളിയെ കൺവിൻസ് ചെയ്ത് നമ്മുടെ അഞ്ചു പിള്ളാർക്കുള്ള പെർമിഷൻ സെറ്റ് ആക്കി.
ആരെ നോമിനേറ്റ് ചെയ്യുമെന്നതായി അടുത്ത ചോദ്യം!
360+ വളണ്ടിയേർസ് ഉണ്ട്, പരിപാടിക്ക് നാലു ദിവസം മാത്രം. ആക്റ്റീവ് ആയി നിൽക്കുന്നവർക്ക് കൊടുക്കാമെന്ന് കരുതി. എന്നാലും ആഗ്രഹമുള്ള വേറെ ആരെങ്കിലുമുണ്ടേൽ വരട്ടെ എന്ന് കരുതി ഗ്രൂപ്പുകളിൽ മെസ്സേജ് ഇട്ടു.
പലർക്കും നല്ല ആഗ്രഹം ഉണ്ടെങ്കിലും കോളേജ് തുറന്നതിനാലും ഉടനെ തന്നെ ഡൽഹിയിൽ എത്തേണ്ടതിനാലും പിന്മാറി.
അങ്ങനെ പെട്ടന്ന് നാലുപേരേ തിരഞ്ഞെടുത്തു , ഗ്രൂപ്പ് തുടങ്ങി, പിറ്റേന്ന് തന്നെ അവർ ട്രെയിൻ ബുക്ക് ചെയ്തു.
നാലുപേരും നാലുസ്ഥലത്ത് നിന്നാണ്. രാവിലെ ആയപ്പോളാ അറിയുന്നത്, മുംബൈ യിൽ വെള്ളപൊക്കമായ കൊണ്ട് ട്രെയിൻ വഴി തിരിച്ചു വിടുന്നത്രെ. കണ്ണൂരുനിന്നും ഒരുത്തൻ കിട്ടിയതെല്ലാം പെറുക്കി പാലക്കാടേക്ക് ട്രെയിൻ കേറി. ബാക്കിയുള്ളവർ അവിടെനിന്നും കൂടി. അങ്ങനെ ഏതൊക്കയോ വഴിയിലൂടെ അവരെത്തി.
Sampreeth (Kannur), Gauthami CP (Thrissur) Sivamohan (Alappuzha), Sayed Ibrahim (Palakkad).
സംപ്രീത് ഒഴിച്ചു എല്ലാരും പുതിയ പിള്ളാർ അവരെത്തപ്പി ലജ്പത് നഗറിലേക്കെത്തി. യൂത്ത് അല്ലിയൻസ് എന്ന സംഘടനയുടെ ഓഫീസിലായിരുന്നു താമസം. പരിപാടിയെ പറ്റിയും TGF നെ പരിചയപെടുത്തിയും അവിടെ കൂടി.
സ്വന്തം വീടുപോലെ കണ്ടോളാൻ അവർ പറഞ്ഞപ്പൊ, അടുക്കളയിൽ കയറി മുടിപ്പിക്കുമെന്ന് കരുതിക്കാണില്ല പാവങ്ങൾ!
രാവിലെ തന്നെ കുളിച്ചിറങ്ങി.
Clatridge Hotel.
India Volunteer Conclave 2019.
പ്രോഗ്രാം നടത്തിയാണ് ശീലം.
കേട്ടിരുന്നാൽ ബോറടിക്കും. ഉറക്കം വരും.
വളണ്ടിയറിങ്ങായി ഓടി നടക്കലാണ് ഇഷ്ടം.
ഉച്ചക്ക് നല്ല ഫുഡ് ആയിരുന്നു.
കണ്ണും മനസ്സും വയറും നിറഞ്ഞു; അല്ല നിറച്ചു.
വൈകുന്നേരമായപ്പോൾ എന്തോ ഒരു പന്തികേട്.
'Gentlemen' റൂമിലേക്ക് ജന്റിലായി കയറി. കാര്യങ്ങൾ അത്ര ജന്റിലല്ല.
അത്ഭുതമെന്നു പറയട്ടെ, അതിൽ ഒരു പൈപ്പ് പോലുമില്ല!
ഫൈവ് സ്റ്റാർ ഹോട്ടലാണ് പോലും. ദാരിദ്ര്യം.
