ജീവിതം ഉരുട്ടി നീക്കുന്നവർ!

ഉറക്കം വരുന്നില്ല.
രാത്രി ഒരുമണിയോടെ പുറത്തിറങ്ങി.

ശാന്തമായ ഡൽഹി. വഴിയോരങ്ങളിൽ ഉറങ്ങുന്ന മനുഷ്യർ.

കുറച്ചു ദിവസങ്ങൾക്ക് മുൻപ്പ് Kahan Market Metro ക്ക് മുന്നിൽ കണ്ട നൂറ് കണക്കിന് സൈക്കിൾ റിക്ഷക്കാരെ ഓർമയുണ്ടോ?

വരിവരിയായി നിൽക്കുന്ന റിക്ഷകൾ.
ആളുകൾ വരുന്നു, വില ഉറപ്പിക്കുന്നു അവർക്കിഷ്ടമുള്ളതിൽ പോകുന്നു. 

നമ്മുടെ നാട്ടിലെ ഓട്ടോകാരാണേൽ ഒന്നാലോചിച്ചു നോക്കിയെ?

പൊരിവെയിലത്തു ജീവിതം ഉരുട്ടി നീക്കുന്നവർ.

ഈ രാത്രി നടത്തം അവരുടെ ഒത്തൊരുമയുടേയും സൗഹൃദത്തിന്റെയും കഥ പറഞ്ഞു തന്നു.

മെട്രോ പാലത്തിന്റെ അടിയിൽ കൂട്ടിയിട്ടിരിക്കുന്ന നൂറുകണക്കിന് വണ്ടികൾ.
രണ്ടുവണ്ടികൾക്കിടയിൽ കെട്ടിയ കയറുകൾക്ക് മീതെ വിരിച്ച കൊതുകു വലകൾ, അതിൽ അഭയം പ്രാപിക്കുന്ന മനുഷ്യർ.

ഒരു കൈലിയോ നിക്കറോ മാത്രമാണ് അവരുടെ വസ്ത്രം. മഴയായാലും തണുപ്പായാലും അവരുടെ ഉറക്കം അങ്ങനെ തന്നെയാകണം.

സൈക്കിൾ റിക്ഷയുടെ പെടലിൽ കേറ്റിവെച്ചു ഉറങ്ങുന്നവരുമുണ്ട്.

ജീവിക്കാൻ വേണ്ടിയുള്ള കഷ്ടപ്പാടുകൾ. ഇവരോട് 5 രൂപക്ക് പോലും അടിയുണ്ടാക്കുന്ന കോട്ടും സ്യൂട്ടുമിട്ട മാന്യന്മാർ